У пэтыцыі, пад якой падпісаліся ўжо больш як 4.5 тысячы мэдыкаў, яны патрабуюць:
- Вызваленьня палітвязьняў
- Правядзеньня новых выбараў
- Спыненьня гвалту
- Аднаўленьня на працоўных месцах і ў навучальных установах усіх звольненых ці адлічаных па палітычных матывах.
Да пэтыцыі далучылася былая міністарка аховы здароўя РБ, дэпутатка ВС 12 скліканьня Інэса Драбышэўская.
Супраць фальсыфікацыяў Інэса Драбышэўская выступала яшчэ ў часы свайго дэпутацтва. У кнізе «Дзевяноста другі» Сяргей Навумчык прыводзіць выступ са стэнаграмы пасяджньня Вярхоўнага Савету, дзе Драбышэўская абураецца падтасоўкай кворуму пры рэгістрацыі дэпутатаў на сэсіі.
Драбышэўская: «Паважаныя народныя дэпутаты! Я пратэстую супраць фальсыфікацыі... Не апазыцыя, а, па-мойму, сакратарыят уздымаў пытаньне аб тым, што ў нас у залі не было кворуму, і давайце будзем усё-ткі праўдзівымі».